Johnny Hellmund a sera 2011 komo kampion i den e promé evento di Federashon Biyar Kòrsou e ta habri 2012 ganando..
Biljards – Sesenta aña ta kumpli e aña aki ku e la mishi ku su promé mesa di biar. Esaki a sosodé den pietermaai den bar di su tawela, “Shon Nene”,Pardo Bar Billiard .
Seis aña Johnny Hellmund tabatin i ku edat di 14/15 aña e tabata dominá Punda kompletu, prinsipalmente área di pietermaai, Klup Boneriano. Despues e ta bai studia na Hulanda y ta sali kampion di karambola den Noorden ( Groningen, Drenthe , Friesland ). Esaki tabata na aña 67 den estilo “Libre” den hoofdklasse , despues na 70/71 e ta gana den “Tresbanda” y na 72/73 den “Bandstoten”. Tur esaki den e disiplina di karambola.
Den añanan 80 ora e a bolbe Kòrsou e ta keda aserka pa e konosido Gein Giribaldi (q.e.p.d.) pa uni su mes na e ekipo di The Biesheuvel y aki kos ta kambia. Johnny ta kuminsá su karera aktivo den mundu di pool. Na 1987 ta tuma lugá e promé torneo di bola 8, kaminda den un final dramátiko e ta pèrdè kontra Pedro ” Pedon” Pauletta .Y di akinan a kuminsá tambe e kolekshonnan di titulo ku ta buta ku den transkurso di 24 aña Johnny a akumulá mas di 70 titulo individual sin konta esnan ku e la gana ku su ekipo The Biesheuvel Friends. Ta bon pa menshoná ku e ta e promé ku a partisipá den un kampionato mundial esaki tabata na 93 na Alemania despues a siguí 94 Chicago , 95 Taiwan/Japon, 96 Suecia y finalmente na 98 Taiwan. Johnny ta e ehèmpel bibu di kiko ta nifiká “Disiplina” den deporte .
Dedikashon i rèspèt pa e deporte di biar ta loke sigur ta resaltá serka Johnny, pa loke ta training, esaki e ta kumpli kuné sigur dos biaha pa siman. Den e promé evento di Federashon Biyar Kòrsou e ta habri 2012 riba bon pia i ta logra gana esaki, ana pasa Johnny a sera 2011, komo kampion. 36 hungadó a inskribí, pero for di prinsipio tabata bisto ku no tin kambio . Ningun ku a hunga kontra Johnny no a pasa 5 punto . Joaquin “Moreno” Virginie a duna tremendo prestashon ganando di dos grandi ku ta Michael Arvelo y Ryan Hellmund y asina ei ta yega final kontra ‘The Legend’, pero no ta haña masha oportunidat i ta kai vensí 9 pa 4. Na di tres lugá a keda Ryan Hellmund. Febiko ta felisitá tantu Johnny Hellmund y Joaquin Virginie ku a duna bon biar wikènt último. E siguiente evento ta fin di luna awor i ta e promé ‘tour’ bola 8 , por kuminsá inskribí serka Sr. David Prins.
